Վարչապետ Նիկոլ Փաշինյանը, ինչպես և խոստացել էր, ուղիղ եթերում ասուլիս է տալիս՝ պատասխանելով իրեն ուղղված հարցերին։
Թուրքիայի հետ հարաբերությունների թեմայով նա ասել է. «Մեզ համար կարևոր է տարանցիկ ուղիներ սստեղծելու օրակարգը։ Թուրքիայի հետ հարաբերություններում եթե պարզվի, որ հնարավոր բացվող կոմունիկացիաներն ավելի մեծ նշանակություն են ունենալու տարածաշրջանում, դա կլինի մեր օրակարգային հարցերից մեկը։ Օդային սահմանների բացումը մենք ողջունում ենք։
Թուրքիայի հետ հարաբերություններում լավատեսության հիմք չկա, բայց կողմերը փորձ են անում լավատեսության հիմք ստեղծել։ Առաջին հանդիպումը դեռ նշանակված չէ, բայց հույս ունեմ, որ կնշանակվի։ Դա շատ երկար պրոցես է։ Այս բանակցություններում շատ կարևոր է, որ բանակցողը լինի քաղաքական իշխող թիմի ներկայացուցիչ։
Ռուբեն Ռուբինյանի կրթությունը, անցած ճանապարհը, ծանր փորձառությունը բավական են դրա համար։ Նա այդ պրոցեսը միայնակ չի տանելու»,- ասել է Փաշինյանը ։
Նա տեղեկացրել է, որ մեր դիվանագիտական կորպուսից հայ բանագնացին աջակցող թիմեր կստեղծվեն։ Դեռ հստակեցված չէ, թե ովքեր են լինելու։
Ինչ վերաբերում է Թուրքիայի հետ հարաբերություններն սկսելու համար Հայոց ցեղասպանության ճանաչումը որպես պայման ներկայացնելուն, Փաշինյանն ասել է, որ հայկական կողմը, Հայաստանի բոլոր իշխանությունները միշտ ասել են, որ պատրաստ են Թուրքիայի հետ հարաբերություններ սկսել՝ առանց նախապայմանների։
«Մենք չենք ասում Թուրքիային՝ կճանաչե՞ք ցեղասպանությունը, մեր հարաբերությունները կկարգարվորվեն, չեք ճանաչի, չեն կարագավորվի»։
