«Հայաստան» խմբակցության պատգամավոր, ՀՅԴ ներկայացուցիչ Լիլիթ Գալստյանն անդրադարձել է մեր հարևան թշնամի պետությունների պարբերական հայտարարություններին, թե հայաստանյան ընդդիմությունը խոչընդոտում է հայաստանյան իշխանությունների որդեգրած գործընթացներին:
«Չէ՜, բայց դուք պատկերացնո՞ւմ եք, թե ի՜նչ աներևակայելիորեն ներդաշնակ ու սինխրոն/համահունչ/ են մտածում և գործում պաշտոնական Ադրբեջանն ու Նիկոլի շրջանակը։
Թյուրքալեզու պետությունների անվտանգության ծառայությունների XXIV համաժողովում, ընդամենը երեկ, հարևան երկրի ԱԱԾ պետը հայտարարում է, որ Հայաստանի ընդդիմությունը լրջորեն խոչընդոտում է ադրբեջանա-հայկական հարաբերությունների նորմալացմանը, իսկ այսօր Ա․ Թորոսյանն արդեն շտապում է լրացնել և հանգստացնել հարևաններին՝ հայտարարելով, թե «Դաշնակցությունն իր գոյությամբ հարված է հասցրել հայոց պետականությանն իր 130-ամյա պատմությամբ։ Որ իրանք չլինեին, հայոց պետականությունն ավելի ուժեղ կլիներ՝ թե այն ժամանակ, թե հիմա»։
Ուժեղացե՜ք, ուժեղացե՜ք, ջնջեք ձեր մեջից մարդուն, հային, ջնջեք արժանապատվություն, հիշողություն ու ինքնություն, փոխեք ձեր ազգանունները, ունակ եք անգամ Էրիվան ասելու, միևնույն է, հինգհազարի արյան մեղքն անքավելի է, միևնույն է, մի օր այս հողը ճաքելու է ձեր մեղքերի ծանրությունից․․․
Այսքա՜ն էլ Տրոյական ձի․․»,- գրել է Լիլիթ Գալստյանը:
