Ամեն ինչ քամուն են տալիս, անունը դնում. «Գիտություն ենք տոնում»

«Եթե դպրոցներիցդ հանել ես աստղագիտությունը, բայց փոխարենը բազմամիլիոն դոլարանոց փառատոն ես անում տիեզերքի մասին, դրանով ոչ թե գիտություն ես զարգացնում, այլ զուտ փող ես մսխում։ Կապ չունի ում փողն է, նույնիսկ եթե այն երկնքից է ընկել»,-գրել է ռազմական փորձագետ Կարեն Վրթանեսյանը։

Նրա մյուս դիտարկումն է.

Նույնն է, ինչ սովից կիսամեռ երեխաներին բերես աշխարհի ամենահռչակավոր խոհարարների փառատոնի, ասես. «Տեսե՛ք, երեխե՛ք, թե աշխարհում ինչ համովություններ կան»։ Իսկ այն միլիոնները, որոնցով կարելի էր գյուղատնտեսությանը զարկ տալ, տաս շոումեններին։

Արցախից զորքն ու ծանր սպառազինությունը հանես, հետո արցախցի երեխաներին բերես փառատոնի, թե. «Տեսե՛ք, խոխե՛ք, ինչ լավ բաներ կան տիեզերքում»։

Կապ չունի՝ սա անուղեղություն է, թե ստոր ցինիզմ, թե երկուսը միասին… Փոխանակ ամեն կոպեկը ներդնեն ինստիտուտներ ու համակարգեր ստեղծելու և զարգացնելու մեջ, ամեն ինչ քամուն են տալիս, անունը դնում. «Գիտություն ենք տոնում»։