Քաղաքագետ Արա Պողոսյանը գրել է.
«Օգոստոսի 4-ին՝ ժամը 13:10-ին, ադրբեջանական ահաբեկչական զինուժը կրակ է բացել Սյունիքում` Վերիշեն բնակավայրի մոտ՝ միջդիրքային ճանապարհների կառուցման աշխատանքներ կատարող էքսկավատորի ուղղությամբ։
Մինչ Հայաստանի ՊՆ-ն, որը նման է հեքիաթների հավատացող երեխայի, հաղորդում է, որ տուժածներ չկան և կոչ է անում Ադրբեջանին հետաքննել դեպքը, Ադրբեջանը հայտարարում է, որ նման բան գոյություն չունի, իրենք որևէ ուղղությամբ կրակ չեն բացել։
Ինչ խոսք, քպ-ականների համար շատ վստահելի գործընկերները հենց այսպես են լինում։
Իսկ խաղաղությո՞ւն… այն միակողմանի չի, և երբ դիմացինդ որոշել է քեզ սողացող գործողությունների միջոցով շարքից հանել, քո կողմից որևէ քծնանք, անգամ անվերապահ հանձնվելը չի փրկի։ Խաղաղությունը ձեռք է բերվում աշխատանքով` հասարակության մոբիլիզացիա գերագույն նպատակի շուրջ։ Եթե դու դա չես կարող անել, ուրեմն գտնում ես նրանց, ովքեր կարող են…
Դա է բանաձևը»:
