Պատերազմը դեռևս չի ավարտվել, ավարտվել է պատերազմի ակտիվ փուլը. Կարեն Հովհաննիսյան

AZGonline-ի թղթակիցը զրուցել է ռազմական փորձագետ, «Հայոց հզոր բանակ» ծրագրի նախաձեռնող ու իրականացնող Կարեն Հովհաննիսյանի հետ:

Զրույցի ընթացքում խոսել են հետպատերազմյան բանակում տիրող իրավիճակի ու զինվորների բարոյահոգեբանական վիճակի մասին: Փորձագետը նշեց, որ բանակը գտնվում է վերականգնման փուլում, զինվորները՝ նույնպես, քանի որ պատերազմի «հետքերը» դեռ թարմ են, նրանք ընկերներ են կորցրել, տարածքային փոփոխություններ են տեղի ունեցել ու այդ ամենին հարմարվելու համար ժամանակ է անհրաժեշտ:
Զրույցի ընթացում անդրադարձել են նաև այն հարցին, թե արդյո՞ք Արցախի անվտանգությանը չի սպառնում, որ այնտեղ այլևս ժամկետային զինծառայողներ չեն ծառայելու: Պարոն Հովհաննիսյանը նշեց, որ Արցախում կարող են ծառայել բացառապես կամավորության սկզբունքով, այսօր Արցախի, արցախահայի անվտանգության երաշխավորը ռուս խաղաղապահն է, ինչքան էլ դա մեզ համար լավ լինի կամ վատ լինի, բայց դա էլ է կարճաժամկետ:

Խոսվեց նաև առաջիկայում հնարավոր պատերազմի մասին, տարածաշրջանում տիրող իրավիճակի ու «Հայոց հզոր բանակ» ծրագրի մասին:

Առավել մանրամասն՝ տեսանյութում