Օտտավայի բարձրակարգ հյուրանոցներից մեկում 8 ամիս անց են նկատել, որ իրենց՝ 100 000 դոլար արժողությամբ սեփականությունը՝ աշխարհահռչակ հայ լուսանկարիչ Յուսուֆ Քարշի՝ Չերչիլի հայտնի լուսանկարը բնօրինակը չէ, իրազեկում է գերմանական «Ֆոկուսը»՝ փոխանցելով հյուրանոցի տնօրենի օգոստոսի 24-ին լրատվամիջոցներին հաղորդածը՝ «լուսանկարն անգնահատելի արժեք է՝ Քարշի, մեր հյուրանոցի, Կանադայի եւ Մեծ Բրիտանիայի պատերազմական պատմության անքակտելի մաս: Երեւի ինչ որ մեկն ուզեցել է սեփական հավաքածուն համալրել կամ էլ՝ վաճառել»: Աշխատակիցներից մեկը նկատել է, որ հյուրանոցի պատից կախված Չերչիլի լուսանկարի եզրերը տարբեր են Քարշի լուսանկարների բնօրինակներից: Օգոստոսի 19-ին հյուրանոց է ժամանել ոստիկանությունը, որը դեռ ուսումնասիրում է տեսաժապավենները: Ճշտել են, որ գողությունը կատարվել է 2021-ի դեկտեմբերի 25-ից 2022-ի հունվարի 6-ը: Կորոնայով պայմանավորված՝ հյուրանոցի բոլոր այցելուների պարտադիր դիմակով լինելը դանդաղեցնում է արագ բացահայտումը:
ԱՆԱՀԻՏ ՀՈՎՍԵՓՅԱՆ, Գերմանիա
