Դատավոր Ռուբեն Վարդազարյանի եւ Գագիկ Ջհանգիրյանի միջեւ ծագած աղմկահարույց միջադեպից եւ «կարգապահական էական խախտման հիմքով» Բարձրագույն դատական խորհդի կազմում Վարդազարյանի պաշտոնավարության դադարեցումից հետո գոհունակության պատճառ հանդիսացավ նույն խորհրդի մամուլի քարտուղար Լիլիթ Շաբոյանի տեղեկատվությունն այն մասին, թե նոր դատավոր է ընտրվել Նաիրա Հովսեփյանը, որին քպ-ական պատգամավորները խոչընդոտել էին վճռաբեկ դատարանի դատավոր դառնալ, փոխարենը նախընտրելով իրենցականներից մեկի նշանակումը այդ պաշտոնում:
Նաիրա Հովսեփյանը 1991-ից ԵՊՀ իրավաբանական ֆակուլտետի դասախոս է: 1996-ին նշանակվել է Էրեբունի շրջանային ժողդատարանի դատավոր: Այնուհետեւ, 1999-ից, Շենգավիթի ընդհանուր իրավասության դատարանի դատավոր, իսկ 2017-ից՝ Երեւան քաղաքի ընդհանուր իրավասության դատարանի դատավոր:
Արդարադատության ասպարեզում արդեն ամուր վաստակ ունեցող տիկին Նաիրա Հովսեփյանը սերում է հայրենասեր, արդարասեր, հանրային եւ ազգային զոհողության ոգով տոգորված ընտանիքից: Նա դուստրն է ԵՊՀ իրավաբանական ֆակուլտետի բարեհամբավ, իրավաբանների մի քանի սերունդ դաստիարակած դասախոս Գեւորգ Հովսեփյանի ու մայրը՝ 44-օրյա պատերազմում զոհված, Մարտական խաչ 1-ին աստիճանի շքանշանակիր Գեւորգ Արշակյանի: Շնորհավորում եւ արդյունավետ գործունեություն ենք մաղթում նորընտիր դատավորին:
