Ներկայում կարեւոր նշանակություն ունի երիտասարդ գիտնականների աջակցության համար մրցույթների կազմակերպումը:Այն հնարավորություն է տալիս խրախուսել երիտասարդներին լավագույն արդյունքի հասնելու համար:
«Երիտասարդ գիտնականների աջակցության ծրագիր»-ն ամփոփել է 2023 թվականի «Գիտական հոդվածների տպագրության համար երիտասարդ գիտնականների խրախուսման մրցույթի» արդյունքները:
Մրցույթի նպատակն է խրախուսել գիտության բոլոր բնագավառներով միջազգային հեղինակավոր գիտական ամսագրերում հոդվածների տպագրությունը, հայագիտության, հումանիտար եւ հասարակական գիտությունների վերաբերյալ անգլալեզու աշխատությունների տպագրությունը, նպաստել ՀՀ գիտական արդյունքի որակի բարձրացմանը եւ միջազգայնացմանը:
Մրցույթի առաջին՝ ««Scimago Journal & Country Ranking (SJR)»-ում ամսագրերի դասակարգման ավելի բարձր քառորդում առաջին անգամ տպագրության համար դրամաշնորհի տրամադրում» ենթածրագրով շահառու է ճանաչվել 24 երիտասարդ գիտնական:
Երկրորդ՝ ««Scimago Journal & Country Ranking (SJR)»-ում ըստ տվյալ կատեգորիայի ամսագրերի դասակարգման առաջին (Q1) քառորդի առաջին հինգ ամսագրերում տպագրած հոդվածի համար դրամաշնորհի տրամադրում» ենթածրագրով շահառու է ճանաչվել երիտասարդ 2 գիտնական:
Երրորդ՝ «Հայագիտության եւ հումանիտար գիտությունների, հասարակական գիտությունների բնագավառներում (Գիտության կոմիտեի ցանկի 5-րդ եւ 6-րդ բաժիններում ընդգրկված մասնագիտություններով) «Scimago Journal & Country Ranking (SJR)»-ում ամսագրերի դասակարգման քառորդներում ընդգրկված ամսագրերում տպագրված գիտական հոդվածների համար տրամադրում» ենթածրագրով շահառու է ճանաչվել երիտասարդ 8 գիտնական:
ՍՏԵՓԱՆ ՊԱՊԻԿՅԱՆ
