Միկիս Թեոդորակիսըՙ հունական երաժշտության աշխարհում ամենաճանաչված «ձայնը», արդարության, խաղաղության, ազատության, դիմադրության մարտիկը սեպտեմբերի 2-ին 96 տարեկանում Աթենքում կնքեց մահկանացուն: 1964-ին «Ալեքսիս Ցորբաս» ֆիլմի երաժշտությամբ աշխարհաճանաչ դարձած կոմպոզիտորը հույների պայքարի, դիմադրության ոգին էր, սխրանքների մղողը, հաղթանակ ներշնչողը: Երկրորդ համաշխարհային պատերազմի տարիներին ընդդիմանում էր նացիստների ահաբեկումներին, պայքարում դիկտատուրայի դեմ: 1946-49-ին քաղաքացիական պատերազմում հստակ ձախ կեցվածք ուներ, ինչի համար հետապնդվում էր: Իր երկրում ռազմական դիկտատուրան չէր հանդուրժում, դիմադրության շարժման մասնակից էր: Հետապնդվեց, բանտարկվեց, աքսորվեց, բայց չդավաճանեց իր գաղափարներին: Այսօր ի թիվս նրա երաժշտական տաղանդը գնահատողների, սգակիր են աշխարհում ձախ գաղափարախոսության ներկայացուցիչները նաեւ: Նրա երաժշտությունը դարձավ հույն ժողովրդի դիմադրության ոգու սնուցողը, սփոփանքն ու հույսը: Ինչպես հույներն են ձեւակերպումՙ հույն ժողովրդի ձայնը: Երբ Հարավսլավիայում սկսվեց պատերազմը, սերբերի կողմն էրՙ ազատության մարտիկներ, հերոսներ են նրանք, համոզված պնդում էր գրող, կոմպոզիտոր Թեոդորակիսը: Մեզ ծանոթ է այն փաստը, որ Թեոդորակիսը 2016-ին կանցլեր Մերկելին ուղղված նամակը ստորագրած մտավորականների շարքերում էր: Հունիսի 2-ին Բունդեսթագի նիստին ընդառաջ նամակի հեղինակները հորդորում էին ճանաչել Հայոց ցեղասպանությունը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
Արխիվ
Վերջին լուրեր
Հոկտեմբերի 27-ը ծանր դաս է այն մասին, որ պետականությունը պահպանվում է ոչ թե խոսքով, այլ պատասխանատվությամբ. «Միասնության թևեր»
1999 թվականի հոկտեմբերի 27-ին խորհրդարանի դահլիճում հնչած կրակոցներով ոչ միայն կյանքից զրկվեցին պետականության խորհրդանիշ դարձած մարդիկ, այլև խոցվեց մեր պետության...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական