Երկուշաբթի, Հոկտեմբերի 13, 2025
Ազգ
Wildberries
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները
Ոչինչ չի գտնվել
Տեսնել բոլոր արդյունքները
Ազգ
Ոչինչ չի գտնվել
Տեսնել բոլոր արդյունքները

ԵՐԿԸՆՏՐԱՆՔ

12/08/2021
- 12 Օգոստոսի, 2021, ԱԶԳ շաբաթաթերթ
Կիսվել ՖեյսբուքումԿիսվել ԹվիթերումՈւղարկել Տելեգրամով

Մարդը ղեկավարողները ներքին երկու ոյժեր ենՙ զգացում եւ տրամաբանութիւն: Երրորդ ոյժ չկայ մարդ արարածի արարքներուն ուղղութիւն տուող: Այս երկու գերագոյն ոյժերը միշտ չէ որ իրարու հետ համերաշխօրէն կ՛ընթանան, անոնք յաճախ զիրար հակասելովՙ մարդուն մէջ պայքարի դուռ կը բանան, որուն արդիւնքը կրնայ ցանկալի ըլլալ, սակայն միեւնոյն ատեն կրնայ վնասակար ըլլալ:

Պարզենք. օրինակՙ սիրոյ մէջ, գեղադէմ, գեղամարմին, ցանկայարոյց աղջիկ մը, որ սակայն բարոյազուրկ է, անուս, կամ, ինչ-որ թերութիւններ կամ հիւանդութիւններ ունի, կրնայ երիտասարդ մը մոլորեցնել իր քաշողականութեամբ: Երիտասարդը անել կացութեան մատնուածՙ զգացումը կ՛ըսէ որ կապուի այդ աղջկան հետ, մարմնական վայելքներ խոստանալով, անդինՙ շրջապատն ու տրամաբանութիւնը կը թելադրեն, որ չկապուի այդպիսի մէկուն հետ, որուն շնորհելիք վայելքները ժամանակաւոր են, անոնցմէ անդին դրական բան չկայ, ան ոչ տանտիկին կրնայն ըլլալ, ոչ ընտանիքի մայր, երախայ դաստիարակող եւ այլն: Դժուար որոշելիք հարց է. իւրաքանչիւր ոյժ, դէպի իրեն կը քաշէ եւ որոշում առնելը կը դժուարացնէ:

Այլ օրինակ մը: Դատաւորի մը առջեւ կը կանգնեցնեն իր զաւակը, որ ոճիր մը գործած է, օրէնքին թելադրութեամբ, տրամաբանօրէն ծայրագոյն պատիժո՞վ դատէ զինք, թէ՞ հայրական զգացումը արգելք կ՛ըլլայ, որ պատժէ իր զաւակը ու խոտոր ճամբաներ փնտռէ զայն փրկելու համար: Ինչպէ՞ս որոշում պիտի գոյացնէ:

Այսպիսի տասնեակ օրինակներով աշակետներս կը մղէի, որ վիճին, ապա շարադրութիւն գրեն, իրենց տեսակէտները պարզելով:

Հիմա ուսուցիչ չեմ, սակայն մեր երկրին գլխուն կուտակուած սեւ ամպերուն մէջէն արեւի շող կը փնտրեմ: Վերջին իրադարձութիւնները երկիրը դրին երկընտրանքի առջեւՙ այնքան ատեն, որ կարողութիւն չունինք հսկայ թշնամական մեքենային դէմ կենալու, մեր հողերը պաշտպանելու, կամ, նոյնիսկ, նոր հողատարածքներ զոհ չդարձնելու , աւելի լաւ է հաշտուինք թշնամիին հետ ու ինչ որ մնացեր է, անոնցնով եոլա երթանք: Սակայն, ինչպէ՞ս հաշտուիլ թշնամիի մը հետ, ինչպէ՞ս սեղմել անոր արիւնոտ թաթերը: Ո՞ւր մնաց մեր ազգային արժանապատուութիւնը: Տրամաբանութիւնը կ՛ըսէՙ հաշտուի՛ր, անդին զգացումը կ՛ըսէՙ չհաշտուի՛ս, դաւաճան չդառնաս:

Պայքարը կը շարունակուի ոչ միայն պետական մակարդակի վրայ, այլեւ իւրաքանչիւր հայու միտքին ու հոգիին մէջ: Շարքային քաղաքացին ինք ալ կեցուածք ունի, խօսք ունի ըսելիք, հազարաւոր զոհեր տուած է, նահատակներուն հողաթումբերը դեռ թարմ են, թշնամիին սպառնալիքները հայերը բնաջնջելու, «1915-ին «կէս մնացած» գործը շարունակելու», դեռ ականջին մէջ կը զնգան, ինչպէ՞ս հաշտուի, ինչպէ՞ս վաղը տանի ներկայութիւնը ազերիին ու թուրքին մեր փողոցներուն մէջ, անոնց լկտի, յոխորտալից քալուածքով անցնելուն:

Անդին, պետութիւնը, որ իրաւունք չունի զգացումով առաջնորդուելու, գուցէ ակամայ, գուցէ կամայ, պիտի տրամաբանէ, որ վերջնական խաղաղութիւն մը ունենալու հեռանկարը շատ աւելի կարեւոր է երկրին համար, որուն որպէս հետեւանք, շրջափակումը պիտի վերանայ, սահմանները պիտի բացուին, երկիրը պիտի ծաղկի, տնտեսութիւնը պիտի բարգաւաճի, ամէն մարդ գործ պիտի ունենայ… այլեւս մեր վրայ յարձակող պիտի չըլլայ, խաղաղ ու հանգիստ պիտի ապրինք:

Անդրանիկը իր գերեզմանէն կը զգուշացնէՙ չհաւատաք թշնամիին, անոր խոստումներուն… Աքցանի երկու բեւեռներուն մէջ սեղմուած մեր երկիրը միշտ ալ վտանգի տակ է. ի՞նչ ընել:

Մենք զգացական ժողովուրդ ենք. պետութիւնը ժողովուրդէն ելած է, բայց ուրիշ կաղապարի մէջ մտած: Նոյնիսկ Ազգային Ժողովը, որ ժողովուրդը կը ներկայացնէ, ստիպուած է ժողովուրդէն տարբեր մտածելու եւ որոշում գոյացնելու: Եւՙ ահա՛ ճեղքը, որ պիտի բացուի իշխանութեան եւ ժողովուրդին միջեւ: Բայց վերջ ի վերջոյ իշխանութիւնը պիտի ըլլայ յաղթողը եւ որոշում գոյացնողը, ի հեճուկս նախատեսելի հանրահաւաքներուն, ցոյցերուն, բողոքներուն: Իշխանութիւնը պիտի ըսէՙ փոթորիկը որքան ալ սաստիկ ըլլայ, անպայման կը հանդարտի: Ու երկիրը պիտի մտնէ նոր բաւիղի մը մէջ, ուր պիտի կորսնցնէ իր հայու մարդկային արժանիքներէն շատ բան: Ու այս «վարակէն» ու «բանը բանէն» անցնելէ ետք, լրատուամիջոցներ պիտի շարունակեն համոզել ժողովուրդը, որ պատուաստուի եւ ընդունի նոր իրավիճակը:

Ո՞ր կողմն է ճիշդ:

ShareTweetShare
Նախորդ գրառումը

ԹԵԹԵՎ ԶՈՎՙ ՓՈԹՈՐԿԻՑ ԱՌԱՋ

Հաջորդ գրառումը

ԱՄՆ-ում փորձարկվել է Minuteman III բալիստիկ հրթիռը

Համանման Հոդվածներ

10 հոկտեմբերի, 2025

Երբ դատական համակարգը գործում է արդար

10/10/2025
10 հոկտեմբերի, 2025

Ընդարմացում

10/10/2025
10 հոկտեմբերի, 2025

 Աքսել Ֆիշերի պաշտպանական կողմի ցանկությունը դատավարության ձգձգումն է

10/10/2025
10 հոկտեմբերի, 2025

Թյուրքական պետությունների կազմակերպության 12-րդ գագաթնաժողովի ուղերձները

10/10/2025
Հաջորդ գրառումը

ԱՄՆ-ում փորձարկվել է Minuteman III բալիստիկ հրթիռը

Արխիվ

Loading...
«Հոկտեմբերի 2025»
Երկ Երք Չրք Հնգ Ուր Շբթ Կիր
 12345
6789101112
13141516171819
20212223242526
2728293031  
« ՍեպտեմբերիՆոյեմբերի »

Վերջին լուրեր

Նորություններ

Արցախի հակամարտությունը երկրի գերագույն գլխավոր «ստատուսագիր»/«բլոգերի» համար հակամարտություն է իր և ՀՀ նախկին ղեկավարության միջև. Տաթևիկ Հայրապետյան

13/10/2025

Այնպիսի տպավորություն է, կարծես Արցախի հակամարտությունը երկրի գերագույն գլխավոր «ստատուսագիր»/«բլոգերի» համար հակամարտություն է իր և ՀՀ նախկին ղեկավարության միջև։ Մարդ,...

ԿարդալDetails

Սուտը մեռնի՞- 6. Լևոն Զուրաբյան

13/10/2025

Ոսկին մտնում էր Հայաստան, հետո գնում էր այլ երկիր. դրա ազդեցությունը մեր տնտեսական աճի վրա զրոյական էր. Պապոյան

13/10/2025

Ողջունում եմ Հայաստանում թուրքական ներդրումները. մենք էլ այնտեղ կարող ենք ներդրումներ անել, երբ սահմանը բացվի. Պապոյան

13/10/2025

Ամերիկյան կողմի հետ կքննարկենք «TRIPP»-ի ներդրումային ծրագիրը, նաև ԱՄՆ խոշոր ընկերությունների ներդրումային ծրագրերը Հայաստանում. Պապոյան

13/10/2025
logo-white1
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։

©2024 «ԱԶԳ» վերլուծական

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Ոչինչ չի գտնվել
Տեսնել բոլոր արդյունքները
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները

© 2025 «ԱԶԳ» վերլուծական