Հայաստանում ապրիլի 10-ինՙ ժամը 11:00-ի դրությամբ կորոնավիրուսով վարակման 16 նոր դեպք է գրանցվել, վարակակիրների թիվը հասավ 937-ի. մեկ մարդ մահացել է:
Այս մասին հայտնում է Հիվանդությունների եւ վերահսկման եւ կանխարգելման ազգային կենտրոնը:
Առողջապահության նախարարի մամլո խոսնակ Ալինա Նիկողոսյանն իր էջում տեղեկացրել է, որ «Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 72-ամյա վարակակիրը ունեցել է երկկողմանի թոքաբորբ։ Բացի այդ, տղամարդն ունեցել է ուղեկցող խրոնիկ հիվանդություններՙզարկերակային գերճնշում, շագանակագեղձի ադենոմա։
Երեկ հաղորդված տվյալների համաձայնՙ գրանցվել էր կորոնավիրուսի 921 դեպք:
Բացասական արդյունք է արձանագրվել 5160 (վերջին մեկ օրումՙ 258) թեստավորման դեպքում: Փաստացի այս պահին բուժվում է 777 անձ (վերջին մեկ օրում ավելացել է 4-ով):
Վերջին տվյալներով ապաքինվել է 149 անձ (վերջին մեկ օրումՙ 11 մարդ), 11 պացիենտ մահացել է:
