Առավոտյան մի քանի լրատվամիջոցներ լուրեր էին տարածել, թե Ազգային անվտանգության ծառայության աշխատակիցներն այցելել են ոստիկանության Դավիթաշենի բաժանմունք, որտեղ ելումուտը դադարեցվել է։ Ավելի ուշ ոստիկանության լրատվության եւ հասարակայնության հետ կապերի վարչության պետ Աշոտ Ահարոնյանի տեղեկացմամբՙ ԱԱԾ ի եւ ոստիկանության ներքին անվտանգության վարչության ծառայողները համատեղ քննչական միջոցառումներ են իրականացրել ոստիկանության Երեւան քաղաքի Դավիթաշենի բաժանմունքում։
Այս անորոշ լրատվությունն, իհարկե, ոչինչ չի ասում, թե ինչին են վերաբերում քննչական գործողությունները: Ըստ որոշ լուրերիՙ ԱԱԾ-ն օպերատիվ տվյալ է ունեցել, որ քաղաքացին կաշառք է տալիս ոստիկանության աշխատողին եւ կաշառքը հանձնելու պահին ձերբակալել է կաշառքը վերցնողին։
