Արեւիկ Քեշիշյան
ԱՄՆ նախկին պետքարտուղար Հենրի Քիսինջերը կանխատեսել է, որ կորոնավիրուսի հետեւանքով աշխարհում կլինի քաղաքական ու տնտեսական երկարատեւ քաոս, որը կշարունակվի մի քանի սերունդների կյանքի ընթացքում։
96-ամյա քաղաքական գործիչը իր տեսակետն արտահայտել է հոդվածում, որը հրապարակել է The Wall Street Journal թերթը։ Նրա կարծիքով, մարդկանց երջանկությունը եւ ազգերի բարգավաճումը հնարավոր են միայն սեփական կառավարությունների հանդեպ վստահության պայմաններում։ Հենց իշխանություններն են պարտավոր կանխատեսել մոտալուտ աղետները, հաղթահարել դրանք եւ ապա վերականգնել կայունությունը։
Ավելի վաղ, news.ru-ն հաղորդել էր, որ առաջիկա երկու տարում կորոնավիրուսը համաշխարհային տնտեսությանը կպատճառի հինգ տրիլիոն դոլարի վնաս։ Bloomberg հրատարակությունը նշում է, որ ներկայումս աշխարհը թեւակոխում է 1930-ականներից ի վեր ամենախոր նահանջի փուլ։ Անկումը երկարատեւ չի լինի, կանխատեսում են տնտեսագետները։ Բայց շատ երկրներ ժամանակի կարիք կունենան բաց թողածը վերականգնելու համար։
