Հայաստանի ՊՆ մամուլի խոսնակ Շուշան Ստեփանյանը տեղեկացնում է, որ նոր կորոնավիրուսային վարակի տարածման կանխարգելման եւ հակահամաճարակային միջոցառումների կազմակերպմանն աջակցման, ինչպես նաեւ փորձն ու պրակտիկ գիտելիքները փոխանցելու նպատակով Հայաստանի Հանրապետություն է ժամանել ՌԴ զինված ուժերի մասնագետների թիմը: Դա Հայաստանի եւ Ռուսաստանի զինված ուժերի երկկողմ փոխհամագործակցության շրջանակներում է, ՀՀ եւ ՌԴ պաշտպանության նախարարներ Դավիթ Տոնոյանի եւ Սերգեյ Շոյգուի միջեւ ձեռքբերված պայմանավորվածության համաձայն:ՙ
Թիմը համալրված է COVID-19 վարակի հետազոտություններ կատարելու հնարավորությամբ շարժական լաբորատորիայով եւ նմուշառման համակարգով։ Պաշտպանության նախարարության տրամադրության տակ այդ համակարգերը հնարավորություն կընձեռեն իրականացնել ՀՀ զինված ուժերի եւ ՀՀ-ում տեղակայված ՌԴ 102-րդ ռազմաբազայի անձնակազմի հետազոտությունները:
Թիրախային խմբերում իրականացվող հետազոտությունները մեծապես կնպաստեն կանխարգելիչ միջոցառումների կազմակերպմանն ու զգալիորեն կբարձրացնեն հակահամաճարակային միջոցառումների արդյունավետությունը:
