73 տարեկան հասակում Մոսկվայի «Կոմունարկա» բուժհաստատությունում երկկողմանի թոքաբորբից մահացել է ռուսաստանյան հայտնի ֆիզիկոս Միշա Ղազարյանը: Նրա մոտ ախտորոշվել էր կորոնավիրուս:Ավելի վաղ, երկու շաբաթ առաջ կորոնավիրուսից մահացել էր նրա 69-ամյա կինըՙ գինեկոլոգ Արփիկ Ասատրյանը, ընդ որումՙ մի բուժհատատությունից առողջության կտրուկ վատթարացման պատճառով մի այլ բուժհաստատություն տեղափոխելու ճանապարհին:
Ֆիզիկոսը ծնունդով Կոտայքի մարզի Հրազդան քաղաքից էր, նրա հայրըՙ Հայրազատ Ղազարյանը, ղեկավարել է ՀԽՍՀ առողջապահության նախարարության Հրազդանի շրջանի բաժինը, մայրըՙ Վանուհին, եղել է Հրազդան քաղաքի գինեկոլոգը։ Միջնակարգ կթությունը Միշա Ղազարյանը ստացել է Երեւանում, ապա տեղափոխվել Մոսկվա:
Նրա աշխատանքները վերաբերում են գազային լազերների ֆիզիկային, քվանտային օպտիկային, լազերային միկրոսկոպիային ու դրա կիրառությանը բժշկության եւ կենսաբանության մեջ, օպտիկական ու լազերային սարքաշինությանը:
«Ազգը» ցավակցում է Միշա Ղազարյանի հարազատներին եւ մտերիմներին:
