Ստամբուլում գտնվող Պոլսի հայոց պատրիարքարանի բակում տեղադրվել է հայ մեծանուն երգահան, բանահավաք, խմբավար եւ վարդապետ Կոմիտասի հուշարձանը:
Հուշարձանի հեղինակը պոլսահայ քանդակագործ Էրոլ Սարաֆյանն է, իսկ հովանավորըՙ Սարգիս Գյուլեքեչը: Կոմիտասի արձանը պատրաստվել եւ կանգնեցվել է նրա ծննդյան 150 ամյակի կապակցությամբ:
«Հուշարձանի բացումը կատարվել է պատրիարքական տեղապահ Սահակ եպիսկոպոս Մաշալյանի հովանու ներքո»,- հայտնում է պոլսահայ «Ժամանակ» օրաթերթը:
Հիշեցնենք, որ Հայոց ցեղասպանության ժամանակ պոլսահայ մտավորականների հետ Կոմիտասը եւս ձերբակալվում եւ աքսորվում: ԱՄՆ դեսպան Մորգենթաուի ջանքերով Կոմիտասի կյանքը փրկվում է, բայց եղեռնի ահասարսուռ տեսարանների հետեւանքով նա կորցնում է հոգեկան հավասարակշռությունը եւ դադարում ստեղծագործել: Կյանքի վերջին տարիներն Կոմիտասն անցկացրել է Ստամբուլի եւ Փարիզի բուժական հաստատություններում:
