Աղիքի ճողվածքի վիրահատությունից առաջացած բարդության հետեւանքով երեկ «Արմենիա» բժշկական կենտրոնում մահացել է «հաց բերող» Արթուր Սարգսյանը, ով անցած ամռանն իր մեքենայով ճեղքել էր ոստիկանական պատն ու հաց հացրել ոստիկանության Էրեբունու պարեկապահակային գնդի տարածքը գրաված զինյալներին: Կալանավայրում գտնվելու հետ անհամատեղելի նրա հիվանդությունները հաշվի չառնելով` նրա նկատմամբ երկրորդ անգամ խափանման միջոց կալանք էր կիրառվել, որի դեմ նա տեւաբար բողոքեց հացադուլով: Ազատ արձակվելուց հետո նրա առողջությունը վատթարացել էր` վիրահատել էին, ու նա, այդպես էլ դուրս չգալով կոմայից` երեկ մահացավ: Ա. Սարգսյանի մահվանն արձագանքել են մի շարք քաղաքական ուժեր, նրա համախոհները, որոնք նրա հիշատակին երեկ բողոքի երթեր կազմակերպեցին: Ասենք, որ նրա մահը կարող է մնալ նրա հանդեպ խափանման միջոց կալանքը կրկնակի անգամ կիրառողների խղճին եւ դառնալ ընտրությունների ժամանակ անսպասելիության գործոններից մեկը, քանի որ նրա հուղարկավորությունը կարող է վերածվել լայնամասշտաբ բողոքի գործողության:
Վերջին լուրեր
Վեհափառն ընդունել է Հունաստանի հայոց թեմի և Կրետեի ուխտավորներին
Նոյեմբերի 2-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Հունաստանի հայոց թեմի թեմական կառույցների ներկայացուցիչներին և Կրետեի...
Կարդալ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական