«Լոս Անջելես Թայմսը» հաղորդում է, որ Գլենդեյլում ոստիկանությունը ձերբակալել է 55-ամյա Մարտիկ Բաղոմյանին, այն բանից հետո, երբ նրա տանը, խուզարկության հետեւանքով, հայտնաբերել է հերոին, ափիոն եւ այլ տեսակի թմրանյութեր, կշեռք եւ փաթեթավորման հարմարանքներ:
«Երկար ժամանակ է, որ այսքան մեծ քանակությամբ թմրանյութեր հավաքած լինենք մեր քաղաքում», ասել է այդ առթիվ ոստիկանության խուզարկու Ջոն Բալյանը: Բաղոմյանը նախկինում էլ կալանավորված է եղել եւ երաշխավորությամբ ազատվել է: «Այս անգամ նա այդ հնարավորությունը չի ունենալու», նշում է թերթը: