Անցած հինգշաբթի օրը Տաջիկստանի ԱԳՆ է հրավիրվել այդ երկրում Ռուսաստանի դեսպան Իգոր Լյամկին-Ֆրոլովը, որին ընդունել է անձամբ Տաջիկստանի ԱԳ նախարար Սիրոջիդին Ասլովը: Վերջինս ռուս դեսպանին բողոքի նոտա է հղել` անցած չորեքշաբթի օրը Տաջիկստանում տեղակայացված ռուսական 201-րդ ռազմաբազայի (չխառնել, կամ` լավ էլ խառնել` ռուսական 102-րդ ռազմաբազայի հետ) տարածքում Տաջիկստանի քաղաքացի Շոիրա Ջոբիրովայի սպանության փաստի առչությամբ: Նախարար Ասլովը նաեւ պահանջել է ռուսական կողմից օբյեկտիվ գնահատականներ տալ այս սպանությանը եւ քայլեր ձեռնարկել ապագայում նման տեսակ հանցագործությունները կանխելու համար:
Նշենք, որ ՌԴ ՊՆ մամուլի ծառայության պաշտոնական հաղորդագրության համաձայն Տաջիկստանում տեղակայված ռուսական 201-րդ ռազմաբազայի տարածքում Տաջիկստանի քաղաքացու սպանության մեջ կասկածվում է ռուսաստանցի զինծառայողներից մեկը: Առանց մեկնաբանության:
