Հայաստանում էր Կիպրոսի Հանրապետության Ներկայացուցիչների պալատի նախագահ Յանակիս Օմիրուի ղեկավարած պատվիրակությունը: Երեկ նա Հայասատանի Ազգային ժողովի նախագահ Գալուստ Սահակյանի հետ խորհրդարանում հանդես եկավ համատեղ մամուլի ասուլիսով, որի ժամանակ ասաց, թե Հայոց ցեղասպանության 100-ամյա տարելիցի առիթով հարգանքի տուրքի մի շարք միջոցառումներ տեղի կունենան Կիպրոսում: Նա խոսում էր ընդհանուր փորձություններ անցած երկու պետությունների` համակարգված աշխատելու անհրաժեշտության մասինՙ նախապայմաններ թելադրող Թուրքիայի հետ հարաբերությունների դաշտում: Քառասուն տարի Կիպրոսի 37 տոկոսը Թուրքիան օկուպացրել է, խախտելով ՄԱԿ-ի Ծովի կոնվենցիան` նաեւ ներխուժել Կիպրոսի տնտեսական գոտի: Եւ հիմա Կիպրոսը պարտադրված է դուրս գալ բանակցություններից, քանի որ Թուրքիան մշտապես սպառնալիքների ու նախապայմանների լեզվով է խոսում` չկատարելով միջազգային պահանջներն ու պարտավորությունները: Մեր Ազգային ժողովի նախագահն էլ հայտնեց, թե Կիպրոսի Ներկայացուցիչների պալատի ղեկավարի հետ քննարկել է ԼՂՀ խնդիրը եւ Ցեղասպանության 100-ամյակի միջոցառումների հետ կապված հարցեր:
Վերջին լուրեր
Լեհաստանի նախագահը եռօրյա պաշտոնական այցով Հայաստանում է
Լեհաստանի նախագահ Անջեյ Դուդայի ինքնաթիռը վայրէջք է կատարել Զվարթնոց օդանավակայանում, որտեղ նրան դիմավորել են ՀՀ աշխատանքի և սոցիալական հարցերի նախարար...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական