Արաբական Միացյալ Էմիրություններում ընթացող շախմատի մրցաշարի 5-րդ տուրից հետո հայ շախմատիստներից լավագույն արդյունքն ունեն Արման Փաշիկյանն ու Լեւոն Բաբուջյանը, որոնք վաստակել են 3,5-ական միավոր: Արմանը հաղթեց Մամալ Անուրագին, Լեւոնը պարտության մատնեց Մերթ Էրդոգդուին:
Ռոբերտ Հովհաննիսյանը, Վահե Բաղդասարյանը, Տիգրան Ս. Պետրոսյանն ու Հովիկ Հայրապետյանը վաստակել են 3-ական միավոր: Հովհաննիսյանը պարտվեց Ասշար Գոլիզադեհին: Հայրապետյանը զիջեց Ալոյզա Կվեյնիսին: Իսկ ահա Բաղդասարյանն ու Պետրոսյանը հաղթեցին համապատասխանաբար Բհակտի Կուլկարնիին եւ Վիկտոր Պլոտկինին: Մարկ Բասենչյանն ունի 1,5 միավոր: Նա պարտվեց Հուսեյն Նեզադին:
4,5-ական միավորով առաջատարներն են Բաադուր Ջոբավան եւ Միխայլո Օլեքսիենկոն:
