Պեկինում ավարտվեց համաշխարհային մտավոր խաղերի ծրագրով շախմատի մրցաշարը, որի ընթացքում 16 գրոսմայստերներ իրենց ուժերը չափեցին արագ, կայծակնային եւ բասկյան ձեւաչափերով շախմատում:
Բասկյան ձեւաչափով շախմատում Լեւոն Արոնյանը 10 հնարավորից վաստակած 4,5 միավորով զբաղեցրեց 11-րդ տեղը: 4-րդ տուրում Լեւոնը Ռուսլան Պոնոմարյովի հետ 2 պարտիաներն էլ ավարտեց ոչ-ոքի, իսկ ավարտական տուրում 0-2 հաշվով զիջեց Շահրիյար Մամեդյարովին:
Ինչպես կայծակնային մրցաշարում, բասկյան շախմատի մրցախաղում էլ հաղթող ճանաչվեց ռուսաստանցի Սերգեյ Կարյակինը: 4-րդ տուրում նա 2-0 հաշվով հաղթեց Լե Քուանգ Լիեմին, իսկ ավարտական 2 պարտիաներում 1,5-0,5 հաշվով առավելության հասավ Ալեքսանդր Գրիշչուկի նկատմամբ: Կարյակինը վաստակեց 8,5 միավոր: 6,5 միավորով 2-րդ տեղը գրավեց Շահրիյար Մամեդյարովը: Նրան կես միավոր զիջեց Ռուսլան Պոնոմարյովը:
