Այսօր Լեհաստանի մայրաքաղաք Վարշավայում մեկնարկում են կայծակնային եւ արագ շախմատի Եվրոպայի առաջնությունները: Սկզբում շախմատիստները կվիճարկեն կայծակնային շախմատի Եվրոպայի առաջնության պարգեւներըՙ անցկացնելով 11-ական պարտիա: Հաղթողը կպարգեւատրվի 2000 եվրոյով, 2-րդ եւ 3-րդ մրցանակակիրները բացի արծաթե եւ բրոնզե մեդալներից կպարգեւատրվեն նաեւ 1000 եւ 800 եվրոյով: Ընդհանուր առմամբ դրամական պարգեւներ կստանան առաջնության 25 լավագույն շախմատիստները:
Դեկտեմբերի 14-ին եւ 15-ին կկայանան արագ շախմատի 11 տուրերը, որի արդյունքում կորոշվեն մրցանակակիրները: Հաղթողը կպարգեւատրվի 4 հազար եվրոյով, 2-րդ եւ 3-րդ տեղերը զբաղեցրած շախմատիստներըՙ համապատասխանաբար 2000 եւ 1000 եվրոյով:
Հայաստանը Եվրոպայի առաջնություններում կներկայացնեն Գաբրիել Սարգսյանը, Զավեն Անդրեասյանը, Տիգրան Պետրոսյանը, Կարեն Գրիգորյանը եւ Մհեր Հովհաննիսյանը:
