Կալկաթայում ընթացող շախմատի մրցաշարի 7-րդ տուրն անհաջող էր Սամվել Տեր-Սահակյանի համար, որն առաջին պարտությունը կրեց Լեւան Պանցուլայայի հետ մրցախաղում: Սամվելը կորցրեց առաջատարի դիրքըՙ 5 միավորով նահանջելով 4-րդ հորիզոնական: Միանձնյա առաջատար դարձավ լեհ Յացեկ Ստոպան, որը հաղթեց Դեպ Սենգուրտային: Իվան Պոպովն ու Լեւան Պանցուլայան 5,5-ական միավոր են վաստակել:
4,5-ական միավոր ունեն Տիգրան Ս. Պետրոսյանը, Վահե Բաղդասարյանն ու Հովիկ Հայրապետյանը: Տիգրանն ու Հովիկը հաղթեցին, Վահեն պարտվեց: Պարտություն կրեց նաեւ 2,5 միավոր ունեցող Մարիա Գեւորգյանը: Իսկ Լեւոն Բաբուջյանը ոչ-ոքի խաղալով, վաստակեց 4 միավոր:
