Վերակառուցման եւ զարգացման եվրոպական բանկը (ՎԶԵԲ) վերանայել է իր կանխատեսումները Հայաստանի տնտեսական աճի վերաբերյալ եւ նախկին 4 տոկոս փոխարեն 2013-ի համար կանխատեսել է 2,5 տոկոս տնտեսական աճ: Միաժամանակ, Եվրոբանկի կանխատեսմամբ, 2014-ին մեր երկրի տնտեսական աճի տեմպը կավելանա եւ կկազմի 3,5 տոկոս:
Տնտեսական աճի տեմպի նվազումն այս տարի ՎԶԵԲ-ը կապում է գազի գնի թանկացման, ինչպես նաեւ մեր հիմնական գոծընկեր երկրում` Ռուսաստանում տնտեսական ցուցանիշների վատթարացման հետ:
Եվրոբանկի կանխատեսմամբ` Արեւելյան Եվրոպայի եւ ԱՊՀ երկրներում տնտեսական աճը 2013-ին կկազմի 1 տոկոս, 2014-ին` 2 տոկոս: Ռուսաստանի համար ՎԶԵԲ-ն այս տարի կանխատեսում է 1,3 տոկոս, եկող տարի` 2,5 տոկոս աճ, Վրաստանի համար այս տարիՙ 2 տոկոս, եկող տարի` 4 տոկոս, Ադրբեջանի համար այս տարի` 4,5 տոկոս, եկող տարի` 3,5 տոկոս տնտեսական աճ:
