Երեկ առավոտյան Հայաստանի հարավարեւմտյան սահմանինՙ Սյունիքի մարզի, Նախիջեւանի եւ Իրանի Իսլամական Հանրապետության սահմանների հատման մասում, Ագարակում տեղակայված ՀՀ Պն զորամասի մարտական հենակետում հակառակորդի կրակոցից վիրավորվել են զորամասի ժամկետային զինծառայողներ, շարքայիններ Նորայր Պետրոսյանը եւ Արթուր Ասոյանը: Մինչ հիվանդանոց տեղափոխվելը զինծառայող Նորայր Պետրոսյանը մահացել է: Գառնիկ Ասոյանը Սիսիանի զինվորական հոսպիտալում առաջին բուժօգնություն է ստացել: Ավելի ուշ նրան տեղափոխել են. նրա կյանքին վտանգ չի սպառնում, վիճակը միջին ծանրության է, վնասվել զինծառայողի ուսահոդը:
ՀՀ ՊՆ-ից «Ազգ»-ին տեղեկացրին, որ դեպքի մանրամասները ճշտվում են, կատարվում են անհետաձգելի քննչական գործողություններ:
