ԹԵՐԹԵՐԻ ԽՄԲԱԳԻՐՆԵՐԻ ՆԱԽԱՁԵՌՆՈՒԹՅՈՒՆՆ ԱՐԴԵՆ ԱՐԴՅՈՒՆՔ ՈՒՆԻ

Մ. Խ.

Երեկ լրագրողների հետ հանդիպած «Հրապարակ» օրաթերթի գլխավոր խմբագիր Արմինե Օհանյանը , «Ժողովուրդ» օրաթերթի գլխավոր խմբագիր Թագուհի Թովմասյանը եւ «Ազգ» թերթի լրագրող Մարիետա Խաչատրյանը «Հայացք» ակումբում քննարկեցին առցանց լրատվական կայքերին ուղղված մի շարք թերթերի խմբագիրների նախաձեռնությունը, որի նպատակն է բացառել գրագողությունը, թերթերի տեսությունները ներկայացնելով` չզրոյացնել թերթերի դժվարին աշխատանքը (ապահովել հղում եւ նյութի ոչ ամբողջական հրապարակում` մանրամասները թողնելով թերթի ընթերցողին): Ըստ խմբագիրների` այս նախաձեռնությունն արդեն արդյունք է տվել` կայքերն արդեն պատառիկներ են հրապարակում նյութերից` ապահովելով հղումը եւ հրավիրելով մյուս մանրամասներին ծանոթանալ հենց թերթերում: Խոսվեց նաեւ այն մասին, որ Ազգային ժողովում շրջանառության մեջ է դրվել «Հեղինակային եւ հարակից իրավունքների մասին» օրենքի փոփոխության նախագիծը, որը կկարգավորի թերթերի եւ կայքերի միջեւ այս վեճը (հեղինակներ` Արփինե Հովհաննիսյան, Գալուստ Սահակյան եւ այլք): Այս թեմայով ավելի մանրամասն հրապարակում` առաջիկայում: