«Ազգ»-ում գրել էինք այսօր Մյունխենում բացվող եռօրյա անվտանգության համաժողովին (ՄԱՀ) ՀՀ-ի մասնակցության մասին։ ՌԴ-ն հրավիրված չէ. «Պուտինին քարոզչության հարթակ չենք տրամադրում» պատճառաբանությամբ։ ՄԱՀ-ի նախագահ Հոյսգենը խոսում է Ռուսաստանի «դեպուտինացման» անհրաժեշտության մասին։ Հոյսգենին քննադատում են, թե Մյունխենում բաց է թողնվում Ուկրաինայի հետ բանակցությունների առիթը։ Ինչպես 3 օր առաջ «Զյուդդոյչե ցայթունգում» ակնարկել էր արդի մեծ փիլիսոփա 93-ամյա Յուրգեն Հաբերմասը՝ կոչ անելով բանակցել Պուտինի հետ։ ՀՀ վարչապետի՝ Ադրբեջանին ուղղված խաղաղության պայմանագրի մասին լուրը մատուցելիս, երեկ գերմանական ԶԼՄ-ները ակնարկել էին ՀՀ-ի ՌԴ-ից դժգոհությունների մասին։ Այս խոսույթում չէր հոլովվում ռազմատենչ Ադրբեջանին մյունխենյան հարթակից վռնդելու մասին։ Հետեւենք զարգացումներին։
ԱՆԱՀԻՏ ՀՈՎՍԵՓՅԱՆ
Գերմանիա
