Մարտի 14-ին, ժամը 18-ին, Վիեննայի համալսարանի կաթոլիկ աստվածաբանության ֆակուլտետի դահլիճում նախատեսված է Հայաստանի մասին ճանաչողական երեկո անցկացնել, որի ժամանակ Արցախի պատմության եւ մշակույթի մասին բանախոսությամբ կներկայանան նույն համալսարանի դոկտոր Բենեդետտա Կոնտին եւ Զալցբուրգի համալսարանի դոկտոր Յասմին Դում Թրագութը: Այնուհետ բանախոսներին կմիանան Վիեննայի հայ համայնքի եպիսկոպոս դոկ. Տիրան Պետրոսյանը, Ավստրիայում ՀՀ դեսպան Արմեն Պապիկյանը: Երեկոյի ժամանակ կհնչի հայ երաժշտություն՝ Արամ Իփեքջյանի կատարմամբ: Kathpress-ի (Կաթոլիկական լրատու) աշխատակից Գեորգ Փուլլինգը կվարի երեկոն: Հայագետ Դում Թրագութի առանձնահատուկ սերը Հայաստանի, նրա արյունաքամ հատվածի՝ Արցախի հանդեպ, Ավստրիան դարձնում են ԼՂ արդի խնդիրների մասին բարձրաձայնող հարթակ:
ԱՆԱՀԻՏ ՀՈՎՍԵՓՅԱՆ
Գերմանիա
