Ռուսաստանի Գ.Վ. Պլեխանովի անվան տնտեսագիտական համալսարանի երեւանյան մասնաճյուղում մեծ ծավալի աշխատանքներ են կատարվում սովորողների հայրենասիրական դաստիարակության գործում: Հերթական միջոցառումը տեղի ունեցավ Երեւանի Հովհաննես Թումանյանի անվան այգում: Այն կոչվում էր հայ պոեզիայի դաս բնության գրկում: Երեւանի մասնաճյուղի քոլեջի առաջին կուրսի ուսանողները վերհիշեցին հայ բանաստեղծների ստեղծագործությունները, ինչպես նաեւ ընթերցեցին բանաստեղծություններ, որոնք առանձնահատուկ արտահայտչականություն են հաղորդում բանաստեղծական տողերին եւ օգնում երեխաներին ավելի խորը զգալու հայոց լեզվի ու գրականության գեղեցկությունը:
Սովորողների բաց դասերը բնության գրկում անտարակույս նպաստում են մայրենի լեզվի զարգացմանը եւ գիտելիքների խորացմանը:
ՍՏԵՓԱՆ ՊԱՊԻԿՅԱՆ
