ՀՀ Վայոց Ձորի մարզի Խնձորուտի դպրոցը արեւային կայանների արտադրած էներգիայով է ջեռուցվում: Դասասենյակները տաք են: Նախիջեւանի հետ սահմանը պահող գյուղի դպրոցում առաջին արեւային կայանները երկու տարի առաջ են տեղադրվել՝ ՄԱԿ-ի զարգացման ծրագրի ֆինանսավորմամբ: 15 կՎտ հզորությամբ արեւային վահանակները նախորդ ամռանն են տեղադրվել դպրոցում՝ «Սյունիք Զարգացում» հասարակական կազմակերպության ֆինանսավորմամբ:
Խնձորուտ գյուղը գտնվում է ՀՀ Վայոց ձորի մարզում:Մարզկենտրոնից 45 կմ հարավ-արեւելք: Գյուղը նախկինում կրել է Ալմալու անվանումը եւ մտել է Երեւանի նահանգի Շարուր-Դարալագյազի գավառի կազմում: 1946 թ.-ի նոյեմբերի 12-ին Գերագույն Խորհրդի նախագահության որոշմամբ անվանվել է Խնձորուտ:Գյուղը հիմնադրվել է 1826-1828 թթ. ռուս պարսկական պատերազմի հետեւանքով Պարսկաստանի Խոյի եւ Սալմաստի շրջաններից գաղթած հայերի կողմից: Ըստ Հայաստանի 2011 թ. մարդահամարի տվյալների, Խնձորուտի մշտական բնակչությունը կազմել է 500 մարդ: 1831 թվականից գրեթե ամբողջությամբ բնակեցված է հայերով:
Հնարավորության դեպքում 7 կՎտ լրացուցիչ հզորություն նույնպես կարելի է տեղադրել: Ուրախալի է ,որ սահմանամերձ դպրոցը օգտագործում է արեւի էներգիան սեփական կարիքների բավարարման համար: Արդյունքում տնտեսում ենք վառելիքաէներգետիկ ռեսուրսներ եւ լուծում բնապահպանական որոշակի հարցեր:
ՍՏԵՓԱՆ ՊԱՊԻԿՅԱՆ
