Գոնե Դադիվանքը կարո՞ղ ենք փրկել

Ապրիլի 17-ին, 18-ին գերմանական ԶԼՄ-ները անդրադառնալով «ՌԴ ԶՈՒ-ի Լեռնային Ղարաբաղից դուրս գալու» իրողությանը, հաղորդում են նաեւ, որ Դադիվանքի համալիրն արդեն հանձնվել է Ադրբեջանի ոստիկանությանը: n-tv-ն Khudaveng ձեւն է կիրառել, ինչպես Բեռլինում դեսպան Աղաեւը ապրիլի 16-ին X-ի իր էջում է խեղաթյուրել վանքի անունը: Դադիվանքի լուսանկարը հրապարակելով, դեսպանը գրում է, թե «9-13-րդ դդ-ում ադրբեջանցի մահմեդականներով շրջապատված տարածաշրջանում կառուցված համալիրը միշտ հարգանք է վայելել, ապշեցնող գեղեցկություն ունի: Ադրբեջանցիների հիացմունքի խորհրդանիշն է՝ մեր քրիստոնեական ժառանգության եւ միջկրոնական ներդաշնակության հանդեպ»: Երեկ՝ ապրիլի 18-ին, ադրբեջանական caliber կայքն արդեն ծանուցեց, թե «Ադրբեջանը անհրաժեշտ քայլեր կձեռնարկի վանքը հայկական վանդալիզմից պաշտպանելու համար»: Բա՞…:

ԱՆԱՀԻՏ ՀՈՎՍԵՓՅԱՆ

Գերմանիա