ԱԺ տնտեսական հարցերի մշտական հանձնաժողովը «Հայաստան» խմբակցության պատգամավոր Թադեւոս Ավետիսյանի նախաձեռնությամբ կազմակերպել էր աշխատանքային քննարկում «Երեւան համայնքում տեղական տուրքերի` 2024 թվականի շինարարական թույլտվությունների դրույքաչափերի վերաբերյալ», թեմայով, տարբեր պաշտոնական կառույցների եւ ընկերությունների ներկայացուցիչների մասնակցությամբ: Այս քննարկումն աչքի ընկավ կառուցապատողների դժգոհություններով:
Քննարկման մասնակիցներն այն կարծիքին էին, որ օրենսդրությամբ հարկային խստացումների արդյունքում շինարարական բիզնեսը կմեռնի եւ կառուցապատմամբ զբաղվելն արդեն նպատակահարմար չի լինի, որի հետեւանքով նոր կառուցված բնակարանների գներն արդեն աշնանը 10-15 տոկոսով կթանկանան:
Մի քանի այլ խոսուն թվեր՝ քննարկումից:
Ըստ բանախոսների՝ հետխորհրդային որեւէ հանրապետության որեւէ մայրաքաղաքում կառուցապատման առումով նման ահռելի հարկեր չկան, որքան Երեւանում: Այդ իսկ պատճառով նույն տիպի բնակարանները Թբիլիսիում, օրինակ, 60 տոկոսով ավելի էժան են: Երեւանում մի քանի անգամ ավելացել են նաեւ ջուր, գազ, հոսանք անցկացնելու ծառայությունների գները՝ հաճախ հասնելով բուն անշարժ գույքի արժեքին: Գումարվում են նաեւ կամայական սահմանվող համայնքային-տեղական հարկերը:
Այս պահին անցած տավա համեմատ նորակառույց բնակարանների վաճառքի անկում կա 25 տոկոսի չափով:
Մ.Խ.
