Ավարտվեց Ֆինանսական անվտանգության III միջազգային օլիմպիադայի առաջին փուլը: Գ.Վ. Պլեխանովի համալսարանի երեւանյան մասնաճյուղի ուսանողները անցել են Ֆինանսական անվտանգության միջազգային օլիմպիադայի առաջին փուլը: Տնտեսական ուղղությունների մասնաճյուղի 10 ուսանող անցել է հաջորդ՝ որակավորման փուլ:
Ֆինանսական անվտանգության միջազգային օլիմպիադայի եզրափակիչը կանցկացվի 2023 թվականի հոկտեմբերին Սոչիի «Սիրիուս» կրթական կենտրոնում: Այն համախմբելու է երիտասարդների ավելի քան 15 երկրներից: Եզրափակիչ ծրագիրը կներառի թեստային առաջադրանքներ, հանդիպումներ հրավիրված փորձագետների հետ, սպորտային միջոցառումներ, սեմինարներ, աշխատաժողովներ, վարպետության դասեր, հանդիպումներ գործատուների հետ, կլոր սեղաններ, բանավեճեր եւ ստեղծագործական հանդիպումներ:
«Երեւանի մասնաճյուղը երկրորդ անգամ է մասնակցում Ֆինանսական անվտանգության միջազգային օլիմպիադային, իսկ անցյալ տարի 3-րդ կուրսի ուսանողուհի Մ. Հայրապետյանը ստացել է II աստիճանի մրցանակակրի դիպլոմ»,- զրույցի ժամանակ ասաց ամբիոնի վարիչ, տնտեսագիտության թեկնածու, դոցենտ Բ. Գաբրիելյանը:
Մեր ուսանողներին մաղթում ենք նորանոր մրցանակներ եւ մեծ հաջողություններ:
ՍՏԵՓԱՆ ՊԱՊԻԿՅԱՆ
