RSS | FACEBOOK | NLA
ԼՐԱՀՈՍ | ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ


Պատերազմը մանկական խաղ չի։

ԼՐԱՀՈՍ    |    «ԱԶԳ»-Ի ՎԵՐՋԻՆ ՀԱՄԱՐԸ
#011, 2020-03-20 > #013, 2020-05-08 > #014, 2020-05-15 > #015, 2020-05-22

«ԱԶԳ» ՕՐԱԹԵՐԹ #13, 08-05-2020



Տեղադրվել է` 2020-05-07 22:24:50 (GMT +04:00)


Ընթերցված է` 2039, Տպվել է` 141, Ուղարկվել է էլ.փոստով` 0

ԱՄՆ-Ը ԻՍՐԱՅԵԼԻՆ ԿՈՉ ԱՐԵՑ ՊԱՏՐԱՍՏՎԵԼ ՊԱՂԵՍՏԻՆԻ ՏԱՐԱԾՔՆԵՐԻ ԲՌՆԱԿՑՄԱՆԸ

ԱՐԵՎԻԿ ՔԵՇԻՇՅԱՆ

Իսրայելում ԱՄՆ-ի դեսպան Դեւիդ Ֆրիդմանը այդ երկրի վարչապետ Բենիամին Նաթանյահուին կոչ է արել սկսել պատրաստվել Հորդանան գետից արեւմուտք ընկած պաղեստինյան տարածքի բռնակցմանը: Այդ մասին նա հայտարարել է The Jerusalem Post թերթին տված հարցազրույցում:

Նրա խոսքերովՙ Իսրայելի վարչապետը պետք է սկզբում Պաղեստինի նախագահ Մահմուդ Աբբասին տեղեկացնի այն մասին, որ նրա երկիրը հրավիրվում է բանակցությունների մասնակցելու հունվարին ԱՄՆ նախագահ Դոնալդ Թրամփի առաջարկած «դարի գործարքի» պայմաններով: Ըստ որում, նման բանակցությունները քիչ հավանական են, քանի որ ավելի վաղ Պաղեստինում վճռականորեն մերժել էին այդ ծրագիրը:

Դրանից հետո Ֆրիդմանը նշել է, որ Իսրայելը կարող է «դարի գործարքում» նշված տարածքների մի մասը բռնակցել 2020 թվականի հուլիսի 1-ից: Ընդսմին դեսպանը նշել է, որ վերջնական որոշումը պատկանում է հենց Իսրայելին:

Հունվարի 28-ին Թրամփը առաջարկել էր Իսրայելի եւ Պաղեստինի հակամարտության կարգավորման ծրագիրՙ «դարի գործարք» անունով: Պետության ղեկավարի կազմած քարտեզի համաձայն, պաղեստինյան պետության չափերը պետք է փոքր-ինչ մեծանան, իսկ մայրաքաղաքը պետք է լինի Արեւելյան Երուսաղեմում:

Պաղեստինցիները եւ մի շարք արաբական երկրներ չէին ընդունել այդ ծրագիրը: Նրանց կարծիքով, այն պաղեստինցիներին զրկում է ՄԱԿ-ի բանաձեւերով նախատեսված տարածքների տնօրինման իրավունքից: Պաղեստինի առաջնորդ Մահմուդ Աբբասը նույնպես մերժել էր ծրագիրըՙ հայտարարելով, որ պաղեստինցիները պահանջում են իրենց պետության ճանաչումը 1967 թվականի սահմաններով եւ Երուսաղեմ մայրաքաղաքով: Փետրվարի 1-ին նա հայտարարեց, որ խզում է բոլոր հարաբերությունները ԱՄՆ-ի եւ Իսրայելի հետ:

Նաթանյահուն 2019 թվականի սեպտեմբերին խոստացել էր բռնակցել Հորդանան գետից արեւմուտք գտնվող բնակավայրերը, եթե իր «Լիկուդ» կառավարող կուսակցությունը հաղթանակ տանի խորհրդարանական ընտրություններում, հիշեցնում է lenta.ru-ն: Դրանից հետո երկրում պայթել էր քաղաքական ճգնաժամՙ կապված նոր կառավարության ձեւավորման անհնարինության հետ: Կորոնավիրուսի համավարակի պատճառով կոալիցիոն կառավարության ձեւավորման շուրջ համաձայնության եկան միայն ապրիլին:

1967 թվականից հետո Հուդայում եւ Այսրհորդանանի Սամարիայում հիմնվել էին իսրայելական բնակավայրեր: ՄԱԿ-ի Անվտանգության խորհուրդը դրանք համարում է գրավյալ տարածքներ, մինչդեռ Իսրայելը դրանք բնորոշում է որպես վիճելի տարածքներ:

 
 

«ԱԶԳ» ՕՐԱԹԵՐԹ #13, 08-05-2020

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ