Իրար հերթ չտալով հեղեղվում է համացանցը տարբեր տեսանյութերով, դեռևս չճշգրտված «մատերիալներով», որոնք հայ հանրության շրջանում զարթեցնում են տագնապի անօրինակ ալիք։ Դրանք տեսանյութեր են, որտեղ երևում է ադրբեջանական լկտի-լպիրշ առաջխաղացումը, և ծաղրը հայ դիրքապահների նկատմամբ։ Պետական վերաբերմունքը կամ արձագանքն այդ նյութերի վերաբերյալ՝ լռությունն էր, կամ, լավագույն դեպքում՝ շշուկ, որ չէր լսում հանրությունը։ Բայց, ահա, երբ տարածվեց մի տեսանյութ, որտեղ հայ դիրքապահներն են «հրելով» ետ «ճամփում» ադրբեջանական մի ամբողջ վաշտի՝ իշխանական ցուցումով հրահրվեցին կայքերը…
Բանակի, մասնավորապես դիրքապահ զինվորների հաշվին Երևանում ինքնագոհ վեր-վեր ցատկող պաշտոնյաներ, իսկ ինչո՞ւ եք «սասներդ» կտրում, և ձեր թուլաջիղ հայացքներով էկրան լցնում, երբ պահն է ձե՛ր կոստյումի գործադրումի։ Ինչու՞ եք պոչը ոտքերի տակ մտցրած խառնածին շան պես վախում, ու անորոշության մեջ թողնում (մենք մի կողմ) սարերում քրիստոնյա գիշեր թրծողներին։ Դուք առ ոչինչ եք, և ձեր տուզիկային, ապիկար, անկարող դրդումը խեղեց մեր բանակի մարտունակությունը։ Նրանք, ովքեր չէին ծառայել, ովքեր երեք տղա միանգամից չէին էլ տեսել եկան իբրև հրահանգող, իբրև ռազմի աստծո երկրային տեղեկատուներ ու խեղեցին, մեր մարտունակության «հերն անիծեցին»։
Շարունակեք պաշտոններ ու արտոնություններ շռայլել ձեզ ու ձեր «սապլյակ» լամուկներին, բայց, ես ձեզ հավաստիացնում եմ, արդեն որերորդ անգամ, ձեր անդեմ ու անհայրենիք վարմունքը պայթելու է ձեր քունքին որպես Խելագարության կանտուզիայի նախանշան։
Հայկ ՍԻՐՈՒՆՅԱՆ
