Մոսկվայի և Վաշինգտոնի հարաբերությունների ապագա ձևաչափի մասին որոշումը կայացնելու է Ռուսաստանի նախագահ Վլադիմիր Պուտինը, հայտարարել է ԱՄՆ պետքարտուղար Էնթոնի Բլինկենը ուկրաինական ICTV հեռուստաալիքին տված հարցազրույցում, որը տարածել է Պետդեպարտամենտը:
«Մենք կնախընտրեինք ավելի կայուն, կանխատեսելի հարաբերություններ Ռուսաստանի հետ։․․․ Փաստորեն, որոշումը պետք է կայացնի նախագահ Պուտինը: Նա և Ռուսաստանը կարող են իրենց գործողություններով որոշել և փորձել ավելի կանխատեսելի ու կայուն հարաբերություններ ունենալ [ԱՄՆ-ի հետ]», ասել է Բլինկենը:
