ՆԱՏՕ-ի պաշտպանության նախարարները վիդեոկոնֆերանսի ընթացքում փետրվարի 17-18-ին կքննարկեն Ռուսաստանի սահմանների մոտ դաշինքի ռազմական գործունեության ֆինանսավորման ավելացումը: Այդ մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը:
«Դա կօգնի մեր ուժերի և մարտական խմբերի տեղակայմանը դաշինքի արևելյան թևում», Ստոլտենբերգին է մեջբերում ՏԱՍՍ-ը:
ՆԱՏՕ-ն ակնկալում է, որ դաշինքի բոլոր երկրները կկատարեն ռազմական ծախսերի ավելացման պարտավորությունները՝ 2020 թվականին ռազմական ծախսերը հասցնելով ՀՆԱ-ի առնվազն 2%-ի՝ չնայած համաճարակին:
