Թուրքիայում շարունակվում են կանանց նկատմամբ բռնությունները

Թուրքիայում շարունակվում են կանանց նկատմամբ բռնություններն ու հանցագործությունները:

Հունվարի 12-ին Ստամբուլի Բայրամփաշա թաղամասի հյուրանոցներից մեկում 43-ամյա կնոջ դի է հայտնաբերվել:

3-ամյա երեխայի լացի ձայնից հյուրանոցի աշխատակիցներըը մտել են սենյակ և գտել կնոջ դին: Դեպքի կապակցությամբ աշխատակիցները դիմել են ոստիկանություն:

Դիակի դատաբժշկական փորձաքննությունից պարզ է դարձել, որ Ֆերդանե Քուրդին պարանով խեղդամահ է արել մի տղամարդ: Հանցագործին հայտնաբերելու ուղղությամբ ոստիկանությունը սկսել է օպերատիվ միջոցառումներ իրականացնել: Կատարվում է հետաքննություն: 

Նշվում է, որ միայն 2020թ. Թուրքիայում տղամարդկանց կողմից 300 կին է սպանվել, իսկ կասկածելի հանգամանքներում 171 կնոջ դի է հայտնաբերվել: Ընդ որում հանցագործությունների մեծ մասը կատարվել է տներում:

Ermenihaber.am