Հեղափոխության նահատակ առաջնորդ Այաթոլլա Ալի Խամենեի հուղարկավորության կազմակերպման շտաբի քարտուղարը հայտարարել է, որ Իրաքում սգո արարողությանը մասնակցող մարդկանց բազմության մեծ հոսքի պատճառով ազգային շտաբի ծրագրում առաջացել է ուշացում։
Pars Today-ը հայտնում է, որ հուղարկավորության կազմակերպման շտաբի քարտուղար Ալի Աքբար Փուրջամշիդիյանը նշել է, որ Իրաքի Նաջաֆ Աշրաֆում և Քերբալա Մուալլայում հրաժեշտի և հոգեհանգստյան արարողություններին մասնակցել են միլիանովոր իրաքցիներ։
Նրա խոսքով՝ այդ լայնածավալ ներկայությունը, ինչպես երևում է նաև հրապարակված կադրերից, հանգեցրել է մարդկանց կուտակման, ինչի հետևանքով հետաձգվել են ազգային շտաբի կողմից նախատեսված հրաժեշտի և հուղարկավորության միջոցառումները։
Փուրջամշիդիյանը հավելել է, որ Իրաքում գործող կազմակերպչական շտաբի հետ ունեցած հեռախոսազրույցի համաձայն՝ մեծ բազմության պատճառով դեռևս հնարավոր չի եղել նահատակ առաջնորդի մարմինը տեղափոխել Իմամ Հուսեյնի սրբավայր։
Նրա խոսքով՝ այդ պատճառով Մաշհադում գործող կազմակերպչական շտաբը քաղաքացիներին երկար սպասեցնելուց խուսափելու նպատակով հաշվի է առել, որ նահատակ առաջնորդի մարմինը և նրա ընտանիքի անդամները կարող են Մաշհադ հասնել մի քանի ժամ ուշացումով։
Այսպիսով, արարողությունը, որը նախատեսված էր սկսել հինգշաբթի առավոտյան՝ ժամը 06:00-ին կամ 08:00-ին, կմեկնարկի նույն օրը՝ ժամը 14:00-ին։
