Այաթոլլայի լիկվիդացման ամենատարբեր շահառուներ կային և հատկապես իշխանական բուրգում. Ալեն Ղևոնդյան
Կարելի է՝ անգամ հպանցիկ, ուսումնասիրել, պարզել, մի քիչ էլ վերլուծել, թե կոնկրետ դերակատար մի քանի երկրի իրական-որոշում ընդունող, պատվիրակված որոշումները իրականացնող էլիտաաները ովքեր են, ինչ էթնիկ ծագում ու բիզնես կապեր ունեն, ինչպես են եկել/բերվել իշխանության և հասկանալ, թե ինչու են գլոբալ գործընթացները հենց այս և ոչ՝ ասենք այլ ուղղությամբ գնում:
Նաև այդ պատճառով ոտնատակ ընկանք, սակայն մեր հարցը այլևս որերրորդական է …
Իսկ Իրանում Այաթոլլայի լիկվիդացման ամենատարբեր շահառուներ կային և հատկապես իշխանական բուրգում և շատ վաղուց:
Պատերազմները, այդ թվում մեծ, ևս մեկ անգամ կրկնեմ, քաղաքական պայմանավորվածությունների իրականացման՝ ամենից լեգիտիմ շղարշն են: Դրանք երբեմն օդ ու ջրից առավել կարևոր են: Դրանք մեծ շոուներ են, որոնք կազմակերպվում են հանրային թմբիրի ներքո իրականացնելու այն, ինչ պլանավորվել է սթափ ու ռացիոնալ բանակցային վիճակներում, այդ թվում հակառակորդ երկրի քաղաքական շրջանակների՝ առնվազն մի շերտի հետ:
Հ.Գ. իսկ սա ամերիկյան հեղինակավ թերթի վերնագիրն է.
«Այաթոլլա Ալի Խամենեին արմատական հոգևոր Առաջնորդ էր, որը Իրանը սարքեց ռեգիոնալ տերություն, մահացավ 86 տարեկանում»:
Ալեն Ղևոնդյան, քաղաքագետ
