Ճիպոտահարողի կատակը չանցավ. բողոքի ակցիա՝ Տիկնիկայինի դիմաց

Այդ մտավորական կոչվածն իրավունք չունի վիրավորել հարգված մարդուն՝ կալանավայրում գտնվող ու քաղբանտարկյալի կարգավիճակ ունեցող Միքայել Սրբազանին. Տիկնիկային թատրոնի տնօրեն Ռուբեն Բաբայանի դեմ բողոքի ակցիայի ժամանակ ասացին ՀՅԴ երիտասարդները։

Ճիպոտարահարողի ու ճիպոտահարվողի նկարով պաստառներով նրանք  եկան Հովհաննես Թումանյանի անվան տիկնիկային թատրոն, որտեղ 1991 թվականից աշխատում է  Ռուբեն Բաբայանը և ամոթանք տվեցին նրան։ Ռուբեն Բաբայան, իհարկե, դուրս չեկավ թատրոնից։ Բողոքի ակցիայի մասնակիցներն իրենց հետ բերել էին Ռուբեն Բաբայանի և Նիկոլ Փաշինյանի համատեղ նկարները։ Դրանք փակցրին գետնին։ Առաջին անգամ չէ, որ Բաբայանը իշխանահաճո հայտարարություններ է անում. նշեցին ՀՅԴ երիտասարդները։

Հիշեցնենք, որ օրերս Ռուբեն Բաբայանը Հ1-ի եթերում եղել է Պետրոս Ղազարյանի հյուրը ու հայտարարել՝ Միքայել Սրբազանին ամբաղ-զամբաղ խոսելու համար պետք է ճիպոտահարել։

Հաջորդ իսկ օրը նա Azg.am-ին հարցազրույց է տվել ու ասել, որ կատակ է արել։

Կարդացեք նաև՝ Տեսանյութ. հումոր եմ արել, նույն հաջողությամբ կարող էի խարույկ առաջարկել. Ռուբեն Բաբայանը՝ Միքայել սրբազանին ճիպոտահարելու հայտարարության մասին