Լուրջ մտահոգություններ ունենք այս պահին ներպետական մակարդակով իրականացվող քննության արդյունավետության մասով՝հաշվի առնելով բարձրաստիճան պաշտոնյաների հայտարարությունները, որ երկկողմանի պայմանավորվածության համատեքստում պատերազմական ենթադրյալ հանցագործների միջազգային հետախուզումը դադարեցվում է, այդ թվում՝ նույնականացված անձանց մասով, որոնք գերիների են սպանել։ Այսօր կայացած քննարկման ժամանակ այս մասին ասաց «Իրավուքնների պաշտպանությորւն առանց սահմանների» ՀԿ ղեկավար Աննա Մելիքյանը։
«Սա մեզ համար լուրջ մտահագություն է։ Ենթադրաբար Ադրբեջանի հետ խաղաղության պայմանագրի՝ ուժի մեջ մտնելու դեպքում այդ անձինք կարող են այցելել Հայաստան և անպատիժ մնալ։
Մենք նաև լուրջ մտահոգություն ունենք, որ խաղաղության համաձայնագիրը չի պարունակում որևէ դրույթ, որը կկարգավորի գերիների անհապաղ վերադարձը։ Ավելին՝ օգոստոսի 8-ից հետո ՀՀ բարձրաստիճան պաշտոնյաների հայտարարությունները շատ ավելի սահմանափակ են։
ՀՀ վարչապետը կարող էր միջազգային հարթակներում՝ ՄԱԿ-ում և ԵԽԽՎ-ում, երկու հնարավորություն ունենալ խոսելու գերիների մասին։ Դա մենք համարում ենք բաց թողնված, հնարավոր է՝ դիտավորյալ բաց թողնված հնարավորություն։ Վարչապետն ընդամենը կես նախադասությամբ կարող էր ասել, որ գերիների հարցը պետք է հասցեագրվի»,- նշեց բանախոսը։
