ArmLur.am-ի տեղեկություններով, իրավապահների ձեռքի տակ հայտնված տեսանյութից պարզվել է, որ Փարաքարի համայնքապետ Վալոդյա Գրիգորյանին սպանած «քիլլերը» մեկ անձ է եղել, որը նրան սպասել է իր նորակառույց տան շինարարության մոտ։
Ըստ ArmLur.am-ի բացառիկ տեղեկությունների, «քիլլերը» նախ կրակահերթ է արձակել Գրիգորյանի ուղղությամբ, հետո հետ է եկել, որ համոզվի՝ արդյոք նա մահացել է, մի անգամ էլ այդ ժամանակ է ստուգողական կրակոց արձակել և հեռացել է։
ArmLur.am-ի աղբյուրները փոխանցել են, որ մարդասպանը զենքի խզակոթով նաև հարվածներ է հասցրել Գրիգորյանին՝ սպանելուց հետո։ Ըստ էության, «քիլլերի» թիրախը եղել է հենց Վալոդյա Գրիգորյանը։
«Իրավապահների մոտ առկա տեսանյութում երևում է, որ ոստիկան Կարեն Աբրահամյանը երկար ժամանակ վիրավոր վիճակում փորձել է «բռնվելով» մոտենալ Գրիգորյանին և օգնություն ցուցաբերել նրան, սակայն, ցավոք, նրան չի հաջողվել փրկել ո՛չ իրեն, ո՛չ էլ ընկերոջը՝ Գրիգորյանին։ Աբրահամյանը ևս տեղում մահացել է»։
