Չեմ հավատում, որ Բորիսն ինքնասպան է եղել. փաստաբան
Արցախի Հանրապետության նախագահի հատուկ հանձնարարությունների գծով նախկին ներկայացուցիչ Բորիս Ավագյանի շահերը ներկայացնող փաստաբան Նատալյա Չերնիկովան RT-ին ասել է, որ չի հավատում, որ իր պաշտպանյալն ինքնասպան է եղել։
Նա ընդգծել է, որ Բորիսը հավատացյալ էր ու մարտիկ է, «որը չի սիրում պարտվել»։
«Նա հիանալի գիտի, թե ինչ է ինքնասպանությունը։ Նա բավականաչափ խելացի մարդ է, որպեսզի հաշվի առնի հետևանքները՝ իրադարձությունից այն կողմ։ Ես չեմ կարծում, որ նա չի մտածել դրա մասին», – նրա խոսքերը մեջբերել է RT-ն։
Ինչպես արդեն հայտնել ենք, Բորիս Ավագյանին մահացած են գտել Սանկտ Պետերբուրգում գտնվող Հայաստանի գլխավոր հյուպատոսության զուգարանում։
