Առավոտյան ժամը 80.10 րոպե էր, մոտ 10 հոգով էին, ներկայացան ԱԱԾ–ից, քննչական կոմիտեից։ Այս մասին այսօր՝ հուլիսի 10–ին, Երևան քաղաքի քննչական վարչության շենքի մոտ լրագրողների հետ զրույցում նշեց «Հայաստան» խմբակցության պատգամավոր Գեղամ Մանուկյանը՝ ներկայացնելով իրենց տանը տեղի ունեցածը։
«Քրեական վարույթ է, որ նախորդ օրն են հարուցել, մեր երիտասարդներից մեկի հետ կապված։ Իրենց ասացի՝ աբսուրդ է, ամոթ է սա։ Ես հին մարդ եմ, ԱԱԾ եմ տեսել, Գորիկ Գուրգենիչներ եմ տեսել, հին քննիչներ եմ տեսել, ջրի վրա քրեական գործ հարուցելը ո՞րն է։
Մեր երիտասարդներից մեկը, որ էլեկտրոնիկա սիրող է, Երիտասարդական մեր միությունը տարբեր ռազմախաղեր է անում։ Երեւանում շատ կան խանութներ, որտեղ ծախում են սքայբոլ, անունը ճիշտ չգիտեմ, հա այդ բաներով, փոքր գնդիկներով, ուղղակի դիմակներով ռազմախաղեր են անում։ Դրանց մեջ կա պլաստմասից գնդիկներ, որ պայթեցնում են այդ խաղերի ժամանակ։ Սիսեռ են լցնում ավելորդ ծախս չանելու համար։ Դա գտել են ու համարել են ահաբեկչության նախապատրաստություն»,– ժպտալով ասաց պատգամավորը։
Նա հստակեցրեց, որ սա հեղաշրջման գործից առանձին է. «Բայց, քանի որ Նիկոլն ասել է՝ բոլորին պետք է կասկածել, առավոտյան եկել են մեր երիտասարդականի տարբեր անդամների տները խուզարկելու։
Առավոտյան, որ եկան խուզարկության իմ հեռախոսը ուզեցին, մերժեցի, որովհետև պատգամավոր եմ, անձեռնմխելության հարց կար։ Սկսեցին խուզարկել երեխաների կնունքի կասետը գտան։ Զննեցին վերջին նկարները, զանգերը այս գործի հետ կապված, հետո շատ անակնկալ ինչ-որ վերևից զանգ ստացավ։ Ձերբակալման, կալանքի մասին խոսք չկար, ասեցին՝ ուղղակի Տարոնը պետք է գա հետներս, որ արձանագրությունը ստորագրի։ Հետո առանձնացավ, որից հետո ինձ հրավիրեց առանձին բալկոն, փորձեց ձեռքիցս հեռախոսը բռնի ձեւով խլի։ Ձեռքս էլ վնասվեց, ոչինչ, իրենք էլ վնասվեցին։ Քաշքշելով էին փորձում խլել։ Տարել են նաեւ համակարգիչ, նեթբուք, որդուս ու իմ հեռախոսները։
Շատ ուշադիր կարդացին իմ բանտային նամակները Վահան Հովհաննիսյանի հետ, իմ հարազատ մարդկանց հետ, , որը առանձին պահում եմ»,–ասաց նա։
Գեղամ Մանուկյանը տեղեկացրեց, որ փաստաբաններին թույլ չեն տեալիս տեսակցել ձերբակալվածներին։
«Այսօր ամենազավեշտալին այն էր, որ տնից դուրս գալիս կնոջս ասեցի՝ խնդրում եմ համարը չունեմ Հոլանդիայի դեսպանատանում պաշտոնյայի, որի հետ խոսել էի, այսօր պետք է առավոտյան հանդիպեի Հոլանդիայի դեսպանի հետ՝ իր խնդրանքով։ Ասում է՝ զանգել էին թե դեսպանը խնդրում է հանդիպել, ուղղակի ուզում է հասկանալ ներքաղաքական իրավիճակը, որովհետև մամուլով չի հասկանում, պատկերացում չի կարողանում կազմել։ Ասեցի ինչքան էլ բացատրեմ, եվրոպացու համար անհասկանալի է։ Իհարկե իրենք շարունակում են լուռ մնալ, այսպես Հոլանդիայի դեսպանը պարզ կենդանի օրինակով տեսավ Հայաստանը ժողովրդավարության բաստիոն, բայց իրականում Նիկոլ Փաշինյանի ուղղակի օկուպացիոն ռեժիմի տակ կքած բռնատիրություն»,–ասաց Գեղամ Մանուկյանը։
Infoport.am
