Ես չեմ կարծում, որ ինձ համար նպատակահարմար է հանդիպել Գարեգինի հետ. լրագրողներին հայտարարել է Կովկասի մուսուլմանների վարչության նախագահ շեյխ Ալլահշուքյուր Փաշազադեն. հայտնում է ադրբեջանական ԱՊԱ-ն։
«Գարեգինը, բացի իր կրոնական դերից, ստանձնել է նաև քաղաքական դեր։ Նման հոգևորականի համար հարիր չէ այդքան զբաղվել քաղաքականությամբ։ Հետևաբար, ես դեռևս նրա հետ հանդիպելու ծրագրեր չունեմ»։
Հիշեցնենք, որ Հայաստանի վարչապետ Նիկոլ Փաշինյանը և նրա քպ թիմը նույնպես բազմիցս կրկնել են Փաշազադեի խոսքերը, թե Գարեգին Երկրորդ կաթողիկոսն ու մեր եկեղեցին զբաղվում են քաղաքականությամբ։
Ինչպես տեսնում ենք, Բաքուն ու Երևանը դարձյալ սինքրոն աշխատում են ու ծրագրված հաշվեհարդար տեսնում Հայ եկեղեցու նկատմամբ՝ հասկանալով նրա անվերապահ դերն ու հեղինակությունը։
Հիշեցնենք, որ Կովկասի մուսուլմանների վարչության նախագահը մոռանում է, որ ինքն է զբաղվում քաղաքականույամբ, ապացույցը վերջին օրերին նրա քաղաքական հայտարարություններն են։
Կովկասի մուսուլմանների վարչության նիստին, երբ «ընտրվում էր Իրևանի ղազի», նա Հայաստանի Հանրապետության ինքնիշխան տարածքի նկատմամբ պահանջներ է ներկայացրել ու հայտարարել. «Փաստն այն է, որ հայկական կրոնական շրջանակները բնակություն են հաստատել Ուչմիաձին՝ պատմական ադրբեջանական հողերում, որը նրանք անվանել են Էջմիածին, և իրենց կրոնական տաճարները կառուցել են այն տարածքներում, որոնք իրենց հետ ոչ մի կապ չունեին»։
Նա նշել է, որ հայերը քրիստոնեության պատմության մասին կեղծ նկատառումներով ներկայանում են որպես բացառիկ համայնք՝ աշխարհի առաջին քրիստոնյաներ։ «Ղարաբաղում ստեղծվել է Արցախի թեմը, իսկ Ռուսաստանում՝ Նոր Նախիջևանի թեմը։ Հայերի կրոնական կենտրոնի միակ նպատակը «Պատմական մեծ Հայաստան» հայկական ուտոպիան աջակցելն էր։ Մենք բախվում ենք մի համայնքի հետ, որը, բազմաթիվ կեղծիքների միջոցով յուրացնելով այլ ժողովուրդների մշակութային և հոգևոր ժառանգությունը, Ուչմիածնի և Կիլիկիայի իր կրոնական կենտրոնների միջոցով աշխարհով մեկ տարածում է ստերով և զրպարտությամբ լի ուղերձներ, որոնք հեռու են քրիստոնեական կրոնի խաղաղության, եղբայրության, խաղաղ հարևանության մասին դրույթներից, որոնք անընդհատ քարոզում էին անհամաձայնություն, թշնամանք, վրեժխնդրություն և բախում՝ իր ուտոպիական երազանքն իրականացնելու անվան տակ»։
Կարդացեք նաև՝ «Ուչմիաձինը» պատմական Ադրբեջանի հող է. Հայ եկեղեցին մեծ սպառնալիք է տարածաշրջանի բոլոր հարևան երկրների համար. Փաշազադե
