Ջրասուզակներն ու փրկարարները Մարմարիկ գետում հայտնաբերեցին 2-ամյա Տիգրանի մարմինը, հայտնում է Գագիկ Շամշյանը։
Երեխայի հայտաբերման մասին տեղեկությունը փոխանցել են ՀՀ քննչական կոմիտեի Կոտայքի մարզային քննչական վարչություն, որտեղից քննչական խումբը ժամանում է դեպքի վայր:
Իր հերթին ՆԳՆ խոսնակ Նարեկ Սարգսյանը հայտնել է, որ այսօր՝ ժամը 10։40-ի սահմաններում, ՆԳՆ փրկարար ծառայության աշխատակիցները, Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերել են մայիսի 4-ից որոնվող երեխայի դին։
Հիշեցնենք, որ ՆԳՆ փրկարար ծառայություն մայիսի 4–ին ահազանգ էր ստացվել, որ 2 տարեկան տղա է կորել։
