Արդարանալուն միտված հարցազույցը, որ Ռոբերտ Քոչարյանը տվել է, իրեն չի փրկելու: Նրա նկատմամբ վերաբերմունքը վաղուց ձևավորված է, նույնիսկ պատերազմից հետո շատ ու շատ մարդիկ նրա դեմքի ջղաձգումները Հանրապետության հրապարակում տեսնելուց հետո որոշել են գնալ քվեարկության, որ հանկարծակի այդ օտարը ՀՀ-ում, այդ մարդասպանը, այդ կոռումպացված անձնավորությունը, որը ՀՀ-ում խոպան էր եկել իր թայֆայով, հանկարծակի իր թայֆայով չվերադառնա ՀՀ. լրագրողների հետ ճեպազրույցում ասաց Ազգային ժողովի նախագահ Ալեն Սիմոնյանը:
«Օտար է իր մտածելակերպը, իր գործելաոճը հայ մարդուն օտար է, և նա օտար է ՀՀ-ում: Նա հայ ժողովրդին վերաբերվել է որպես «խոպանի տեղի», Հայաստանին վերաբերվել է որպես «խոպանի տեղ»: Նրանք եկել են այստեղ փող աշխատելու, մարդ սպանելու: Նրանք մարդասպաններ են»,- ասաց նա:
Ռոբերտ Քոչարյանին մարդ սպանելիս տեսե՞լ է. հարցրեց լրագրողը։
Ալեն Սինոնյանը պատասխանեց հարցով՝ Հիտլերին տեսե՞լ եք մարդ սպանելիս։
«Ես համարում եմ, որ Ռոբերտ Քոչարյանը մարդասպան է, նրա ձեռքերն արյան մեջ են, նա թալանչի է, ՀՀ-ին վերաբերվել է որպես «խոպանի տեղ» ու հիմա էլ է վերաբերվում»,-ավելացրեց ԱԺ նախագահը։
