Սպիտակ տունը հայտնել է Ռուսաստանում ԱՄՆ քաղաքացի Մարկ Ֆոգելին ազատ արձակելու մասին:
Հաղորդագրության մեջ, մասնավորապես, ասված է. «Ֆոգելի ազատ արձակումը՝ ՌԴ հետ փոխանակման շրջանակներում, վկայում է ուկրաինական ճգնաժամի կարգավորման հարցում առաջընթացի մասին»,- հաղորդել են Սպիտակ տնից։
Ֆոգելը դասավանդում էր Մոսկվայի անգլոամերիկյան դպրոցում։ Վերջինս 2021 թ․ օգոստոսին կնոջ հետ ձերբակալվել է Շերեմետևո օդանավակայանում։ Վերջիններիս ուղեբեռում մարիհուանա են հայտնաբերել։ Կնոջն ազատ են արձակել, իսկ Մարկ Ֆոգելին 2022 թ․ 14 տարվա ազատազրկման են դատապարտել։
